Referendum nucleari: in Narbolia, Bosa e Muristènis assembreas de su Cumitau Sinonucle

(IlMinuto) – Casteddu, 14 de su mes''e arbili - A pagu prus de unu mesi de su referendum consultivu asuba de sa preséntzia de su nucleari in Sardigna est prus mannu s'impignu de su Cumitau Sinonucle, cun diversus apuntamentus in totu s'Ísula: su 14 e su 16 de su mes''e maju is sardus ant essi lamaus a arrespundi a sa dimandha "“Ses contràriu a s’installatzioni in Sardigna de centralis nuclearis e de situs po su depósitu de ferrinas radioativas avantzadas o preesistentis?”. Custumerì in Narbolia (18.30, Centru sociali) s'at a tenni un'assembrea cun sa relata de Nicola Culeddu, istudiosu de su Cnr. Culeddu etotu at a participai cras a un'ateru atóbiu in Bosa de Cumitau Sinonucle (19.30, Domu de su Pópuli). De s'abbisóngiu de nai de EJA po bullai a su nucleari s'at a chistionai puru sàbudu in Muristènis (Hotel Palladium, 16.30) in d-un'atóbiu púbblicu cun is relatas de Augusto Montisci (Istudiosu Universitàriu), Bustianu Cumpostu (Cumitau Si.nonucle), Luigi Curreli (médicu oncologu), Andrea Melis e Ciro Auriemma (Colletivu Sabot).