Ping Pong: sa Marcozzi Casteddu bincit a su Siracusa ma pensat a is play off

(IlMinuto) – Casteddu, 11 de su mes''e arbili - Bitória noa po sa Marcozzi Casteddu. Cenàbara passau is sardus de su ping pong ant bintu a su team de su Siracusa po 4 a 1 in su Palatennistavolo de bia Crespellani. "Duus puntus po debbadas", precisat su comunicau de imprenta. Sa Marcozzi, difatis, pensat giai a sa primu semifinali de is play off, in programma in Casteddu po su 20 de su mes''e maju. "Eus pigau custa partida - cummentat su campioni de sa scuadra sarda Stefano Tommasi - comenti un'allenamentu fattu primu de is dei play off. Oramai - acrarat - s'arresurtau de custa partida no contat prus nudda po nos e po cussus puru, poita sa classífica est giai fatta".