Nucleari. Cumpostu (Sinonucle): "Su referendum de su 15 e de su 16 de su mes'e maju est sèmpiri bàlidu

(IlMinuto) – Casteddu, 22 de su mes'e arbili - "Sinonucle" no si firmat. Cun totu chi su Guvernu siat torrau agoa (ma su Ministru Romani at acrarau ca est "scéti una pròroga" ndr), su Cumitau cordinau de Bustianu Cumpostu sighit a andai ainnatis - cun d-unu rítimu de duus apuntamentus a sa diri - in sa campagna contr'a su nucleari abetenti su referendum sardu de su 15 e de su 16 de su mes'e maju. "Su referendum sardu - precisat Cumpostu - est sèmpiri bàlidu e no est tocau de sa pròroga de su Guvernu poita est unu referendum consultivu avisau segundu una lei regionali, sa n. 20 de su 57,  e no est est fattu scéti po is eventualis centralis noas, ma puru po is aremus radiuativus presistentis". "Sa dimandaha - precisat su cordinadori de su Cumitau - no lamat a is sardus scéti po votai asuba de su nucleari, ma ddus lamat a esercitai una soverania [...] asuba de su própriu tempus benidori".