Festival: Caparezza, Casino Royale e Van De Sfroos in sa XIII editzioni de Abbabula

(IlMinuto) – Casteddu, 6 de su mes''e arbili - Arribbat a sa XIII editzioni Abbabula. Ocannu su festival de música e fueddus s'at a tenni de s'11 a su 14 de su mes''e maju in su centru istóricu de Tàtari (corratzu de su Palatzu Ducale, Palatzu de Citadi, Teatru Verdi e pratza Tola). S'apuntamentu est aprontau de sa coperativa "Le Ragazze Terribili" cun s'apógiu de su Club Tenco. Ant essi Caparezza, is Casino Royale e is Van De Sfroos is tres ànimas de s'Abbabula de su 2011, mentris po su rock sardu si faint is nòminis de Joe Perrino cun is "Canzoni di malavita" e is dexi band de su progetu Polissound: unu gruxeri de artistas "chi si dedicant a contai sa sociedadi cun ironia, poesia e sperimentatzioni".

Po ndi sciri de prus: info@leragazzeterribili.com