Apuntamentus: in Tonara su Lúnis de Pasca tenit su sabori de su turroni

(IlMinuto) – Casteddu, 7 de su mes''e arbili – Mebi, méndua e nuxis. Unu sabori druci e tzacarosu cussu de su turroni de Tonara, rei mannu de su Lúnis de Pasca de sa bidda in provìntzia de Nùgoro. Lúnis 25 de su mes''e arbili at torrai sa "Sagra del Torrone di Tonara", ocannu a sa trintaduesima editzioni. No scéti turroni perou. Sa festa at essi puru s'ocasioni po connosci is àteras maravíllias de sa bidda: is mòbilis e is bancalis traballaus, is teruddas e is taggeris, is cubedinas, is fanugas e is fressadas e is sonaggias. Una sciala de produtzionis artesanas at allirgai is bias de su centru istóricu, aundi s'at a podi tastai su turroni e àterus drucis de sa traditzioni. In programma puru mostras, ispetàculus de is grupus folk e de is cuncordus polifonicus.