Apuntamentus: in Sìligo un'Iscola de Archeologia de s'Evu de mesu

(IlMinuto) – Casteddu, 13 de su mes''e arbili - Ant essi mesis de connoscéntzia is mesis de argiolas e de austu de su 2011, poita sa Càtreda de Archeologia de s'Evu de Mesu de s'Universidadi de Tàtari, cun s'agiudu càmbiu de su Comunu de Sìligo e de sa Soprintendenza po is Benis Archeológicus po is Provìntzias de Tàtari e Nùgoro, tenit in programma s'organizatzioni de un'Iscola Estiva de Archeologia de s'Evu de Mesu (SEAM). Su Meilogu at a biri batti su coru suu cun diversas fainas de iscavus archeológicus, fainas chi s'ant a tenni in su satu de Bidda Noa, in Sìligo. Sa campagna de iscavu - si ligit in d-una nota - "bolit scrucullai a is depósitus archeológicus de s'Evu de Mesus e de cussus chi benit agoa de s'Evu de Mesu e chi s'agatant ingunis, atressu de s'apricu de su métodu stratigraficu chi at a avreguai is datus de is ricognitzionis de subrafaci e de is esploratzionis geofísicas".
S'obbietivu de s'iscola est cussu de ammostai a is iscritus comenti si fait sa circa archeológica in su campu atressu de s'apricu de métodus scientíficus chi funt stetius reconotus in abbundàntzia. S'iscola no at donai scéti fainas de iscavu, ma at essi previdiu puru unu ciclu de letzionis asuba de su tema de s'archeologia de s'evu de mesu de sa Sardigna. Is dimandhas po s'iscriri si depint fai impitendi su format chi si podit pigai de su giassu internet http://www.comunesiligo.it/, ant a depi arribbai intru su 20 de su mes''e làmpadas de su 2011 a s'indiritzu de posta eletronica: gianluigimarras@alice.it