Apuntamentus: a sa XIII frimmada sa cida de sa Cultura de sa Provìntzia de su Campidanu de Mesu

(IlMinuto) – Casteddu, 11 de su mes''e arbili - Cun su cunvegnu "I luoghi della Cultura: valorizzazione e sviluppo" arribbat a sa XIII frimmada sa cida de sa Cultura de sa Provìntzia de su Campidanu de Mesu. S'eventu, in programma po cenàbara 15 de su mes''e arbili de su 2011 in is aposentus de su Museu de su territóriu Sa Corona Arrùbia, est aprontau de s'Assessorau a sa Cultura e de cussu a is Benis Culturalis chi torrant a promòvi aici, s'impignu insoru po sa cultura. S'apuntamentu est insertau in sa XIII Cida de sa Cultura bófia de su Ministeru po is Benis e is Atividadis Culturalis e - si ligit in d-una nota de imprenta - "s'agatat aintru de una fibera de propostas promòvias de entis de su Logu, assótzius e istitutzionis Culturalis de su territóriu". S'obbietivu est cussu de arregalai a totus is interessaus "un'ocasioni de istúdiu e cunfrontu asuba de is políticas e de is chistionis acapiadas a s'avaloramentu e a s'isvilupu de is benis culturalis". Po ndi sciri de pruscastiai su programma in su giaasu de sa Provìntzia.