Ambienti: Adiquas narat de nono a s'ammanniamentu de su muntronaxu Carbonsulcis de Nuraxi Figus
Image

(IlMinuto) – Casteddu, 21 de su mes'e arbili - Custu mangianu in sa saba consiliari de su Comunu de Crabònia a cumentzai de is 11.00 est in programma un'atóbiu po ammostai su pranu de ammanniamento de su muntronaxu de sa Carbonsulcis in Nuraxi Figus. S'assótziu Adiquas no narat scéti de nono a s'ammanniamentu propostu de sa Carbonsulcis Spa, ma pedit puru sa serradura de su muntronaxu. Po sa diri de oi s'assótziu e su presidenti suu Giancarlo Bellisai ant aprontau unu sit in de protesta in pratza Roma, cumbidendi a is citadinus a fueddai in Consillu comunali. "Benei in medas in sa saba consiliari", scririt Ballisai. "Fadeus intendi sa boxi nostra. Sa Carbonsulcis - sighit su presidenti de s'assótziu - bolit aparigiai su stampu finantziàriu a is pabasas de sa saludi de sa genti, arruinendi a s'ambienti. Sa spartzinadura de cussu tipu de prúniu no donat isvilupu, ma destruit a s'ecunumia agricula e a sa pastoria e fait ammaladiai e morri de tumori a genti meda [...]. Po custu naraus de nono a s'ammanniamentu de su muntronaxu e si cumbidaus a su sit-in aprontau a fac'e su comunu de Crabònia.
© RIPRODUZIONE RISERVATA