Tzerachias militaris: in Bologna dibbàtidu de ProgRes asuba de "Sindrome de Quirra"

(IlMinuto) – Casteddu, 7 de su mes''e martzu - Is tzerachias militaris in Sardigna e sa "sindrome de Quirra". At essi custu su coru de is temas chi s'ant afrontai in su dibbàtidu aprontau de is indipendentistas de ProgRes sàbudu chi benit, 12 de su martzu, in Bologna (16.00, bia dello Scalo 21). "In su dibbàtidu - si ligit in d-una nota - s'at a chistionai de is temas sóciu- sanitàrius nascius de sa preséntzia de su Poligonu de Capo San Lorenzo, de is recaimentus económicus e socilais e de is alternativas produtivas possíbbilis". Tra is àterus at a participai a su dibbàtidu puru Bobore Bussa, segretàriu natzionali de ProgRes e consilleri provintziali de Nùgoro. De su tema de sa "Sindrome de Quirra" s'at ocupai puru su cuartu apuntamentu de Chistionis e Opinionis, chi at a bessiri cras in is pàginis de IlMinuto.