"Sardegna. Un altro pianeta": in Montecarlo sa primu frimmada de sa mostra

(IlMinuto) – Casteddu, 1 de su mes''e arbili - Franco Fontana, Paolo Bianchi e Sveva Taverna... Tres nòmini chi atressu de sa màchina fotogràfica ant eternitzau a sa Sardigna donendu a s'aspetadori una própriu bidea de s'Ísula, chi ponit in mostra diversas sensibilidadis e proponit unu castiu chi superant a is schemas connotus a foras de sa Sardigna. Vittoria Cappelli at postu impari is fotografias de is tre fotografus fadendi biri sa luxi a una mostra chi tenit comenti títulu "Sardegna. Un altro pianeta". Unu progetu promòviu de sa Regioni Autónoma de sa Sardigna e chi s'at a frimmai in diversas citadis de Europa. Si tratat de unu camminu de 45 màginis "in totu e po totu originalis", chi - si ligit in d-una nota de imprenta - oferrint a su púbblicu "unu viàggiu nou [...] tra is particularidadis isulanas". Sa primu frimmada de su tour est su Principau de Monaco. Fintzas a sàbudu 2 de su mes''e arbili s'ammanitzamentu at a benni aghilliu in is aposentus de sa villa "Casa Mia", immoi sedi de s'Académie de Danse "Princesse Grace" chi tenit comenti diretori a Luca Masala, casteddaiu de nàscida e giai primu baddadori in is teatrus europeus prus importantis.