Referendum nucleari: is sardus a su votu tra duus mesis. Is agiudus po is residentis a foras de sa Sardigna

(IlMinuto) – Casteddu, 14 de su mes''e martzu - In su mentris chi is novas de is iscópius desa centrali atomica de Fukushima, in Giaponi, lassant a su mundu cun su suidu in su gùturu, in Sardigna aprobiat sa data de su referendum consultivu asuba de su nucleari. Su 15 de su mes''e majau is sardus ant a arrespundi a sa dimandha "Ses contràriu a s’installatzioni in Sardigna de centralis nuclearis e de situs po su depósitu de ferrinas radioativas avantzadas o preesistentis?". Funt previdius agiudus po is eletoris sardus chi funt residentis a foras de sa Sardigna. Totus is indicus si pondint consultai in su giassu de sa Regioni autónoma de sa Sardigna.