"Prus arregulas e Trasparéntzia in is apaltus", cras cunvegnu asuba de sa proposta de lei de sa Cgil

(IlMinuto) – Casteddu, 23 de su mes''e martzu - "Appalti, più regole e trasparenza": at essi su tema de su dibbàtidu aprontau po cras in Casteddu (10.00, Hotel Mediterraneo) de sa Filcams Cgil. S'atóbiu at essi presentau de sa segretària regionali Filcams Simona Fanzecco chi at fai connosci is propostas de su sindacau po una lei regionali asuba de su sistema de is apaltus. "Una lei regionali asuba de is apaltus - at nau Fanzecco – chi previdat cunditzionis de amparu po is traballadoris e su interditu assolutu de fai garas a su màssimu rebbàsciu". A s'assenbrea ant a participai su segretàriu regionali de sa Cgil, Enzu Costa, su presidenti de sa Provìntzia de Casteddu, Gratzianu Milia, e s'assessori regionali de traballus Púbblicus Serbestianu Sannitu.