“Pranu arrépiu” in Cuartu. Sa dinúntzia: “40 eurus a s’annu po circai parchegiu senz”e tenni sa seguresa de dd’agatai”

(IlMinuto) – Casteddu, 7 de su mes''e martzu - Nascit de duus citadinus s'opositzioni a su "Pranu arrépiu" aprovau de sa majoria de centrudestra in su Consillu comunali de Cuartu Sant'Aleni a sa fin''e de su mes''e gennàrgiu. Cun d-una nota Adriano Venturini e Sandra Balestrieri narat de no - tra is àteras cosas - a is parchegius a un'euru a s'ora in su centru citadinu e in su litorali e narant de no puru a s'ammanniamentu de is areas a pagamentu. "In citadi - precisant Venturini e Balestrieri - su númeru de parchegius crescit de 791 A 1.386. In s'istadi in su litorali su númeru de is arrépius a pagamentu crescit de 111 a 938". A is duus citadinus no praxit puru un'àtera novidadi: cun 40 eurus a s'annu is residentis chi no tenint unu garage o unu parchegiu ant a tenni su diritu ddu circai - ma no ant a tenni sa seguresade dd'agatai - in is "tretus blu". Una pagamenta de 40 eurus a s'annu - precisant Balestrieri e Venturini - po no tenni unu parchegiu assegurau ma scéti po tenni su diritu a ddu circai in calencuna bia de sa citadi".