"No a s'atacu imperialista Usa-Ue", custumerì in Tàtari sit in de su Pcl. De sa Sardigna funt movius caccia spagnolus po sa Libia

(IlMinuto) – Casteddu, 22 de su mes''e martzu - Sa Sardigna est trisinda sèmpiri de prus in sa gherra contra a sa Libia. Ariseru de sa basi aérea de Deximu Mannu funt tucaus duus caccias spagnolus abbia de su stadu africanu. Contra a cussa chi definit "s'atacu militari imperialista Ue e Usa", sa setzioni de Utieri de su Pcl at aprontau po custumerì a is 17.00 unu sit in in pratza d'Itàlia in Tàtari, a faci de sa Prefetura. Su partidu de Marco Ferrando - si ligit in d-una nota - "cumbidat a is traballadoris, a is istudiantis, a is organizatzionis e a is sindacaus de sa manca, a is assótzius democràticus chi funt contra a berlusconi a participai e a fueddai asuba de sa cosa". "S'atacu militari de s'imperialismu europeu e americanu - afirmat pcl - tenit comenti única arrexoni cussa de frimmai a s'espansioni de sa rivolutzioni araba in s'Africa de tramuntana e in su Mediu Orienti".