Música: puru su cursu de arpa in su XXIII Seminàriu Nùgoro Jazz

(IlMinuto) – Casteddu, 30 de su mes''e martzu - Arribbau a sa XXIII editzioni sua, su Seminàriu Nùgoro Jazz si fait prus arricu cun d-unu cursu nou: cussu de arpa. Su camminu didàticu pensau e cordinau de Paolo Fresu est in programma de su 24 de su mes''e austu fintzas a su 3 de su mes''e cabudanni. Sa classi de arpa at essi guidada de Marcella Carboni, única arpista bessia in is classíficas de s'úrtimu referendum de sa revista "Musica Jazz". Sa musitzísta e cumponidora casteddaia - si ligit in d-una nota - "est impignada de tempus meda a cumpudai un'universu de sonus chi raramenti at biu comenti protagonista a s'arpa". Su cursu chi at a biri in càtreda sa Carboni at a tenni comenti iscopu cussu de fai cumprendi comenti un'istrumentu geniosu si possat insertai in su jazz.