Istória: a sa IX editzioni su cuncursu Istar asuba de su Giudicau de Arborea e de su Marchesau

(IlMinuto) – Casteddu 31 de su mes''e martzu - S'Istar, Istitutu Istoricu Arborensu po sa circa e sa documentatzioni asuba de su Giudicau de Arborea e de su Marchesau de Aristanis, torrat a oberri su bandu po su IX cuncursu a prémius "Conoscere il Giudicato d’Arborea e il Marchesato di Oristano". Is duus temas de custa editzioni, unu po is asilus e po is iscolas elementaris, chi tenit comenti títulu "Il mondo della Carta de Logu del Giudicato d’Arborea" e s'àteru po is iscolas medias e po cussas superioris, chi tenit comenti tema "La Carta de Logu del Giudicato d’Arborea". A su cuncursu podint participai totus is iscolas de Aristanis e de sa provìntzia e si sboddiat in tres setzionis. In sa primu, cussa po is asilus e is iscolas elementaris, is scientis podint participai a su cuncursu cun disignus cumpletaus de iscrituras, chi no siant longas meda, po ispiegai is figuras; in sa segundha e in sa terza, po is iscolas medias e po cussas superioris, is scientis ant a depi sciri unu sagixeddu chi no siat prus longu de 10 cartellas, casumai arricau de fotografias cun iscrituras chi acrarint sa cosa e cun indicus documentarius e bibliogràficus. Is cumponimentus ant a depi arribbai a sa Bibblioteca Comunali de Aristanis intru sàbudu 7 de su mes''e maju de su 2011. Po pigai àteras informatzionis si podit andai in Bobblioteca etotu, in bia Sant’Antonio, o si podit telefonai a su 0783 73119, o ancora si podit scriri un'e-mail a s'indiritzu istar@comune.oristano.it.