Fanzecco (Cgil): "Tocat a fai debressi una lei regionali po tutelai a is traballadoris de is ditas de apaltu"

(IlMinuto) – Casteddu, 3 de su mes''e martzu - "Una lei regionali asuba de is apaltus, chi previdat cunditzioni de tutela po is traballadoris e chi previtat puru s'interditu po fai garas a imbaratimentus mannus". Est cantu pedit cun d-unu comunicau sa segretària regionali de sa Filcams-Cgil Simona Fanzecco. In custu cumpartu - denunciat difatis sa sindacalista - "is aziendhas púbblicas e privadas faint totu senz''e nisciuna arregula crara. Sa situatziioni est sèmpiri prus maba puru po mori de is pagamentus chi no arribbant de tempus meda a is traballadoris ". Sa Filcams est difatis impignada in d-una fibera de contiendas po tutelai a is traballadoris senz''e stipéndiu de unu o duus mesis. "Est s'acuntéssia - acrarat Fanzecco - de is cuíndixi traballadoris de s'aziendha Stocchi, chi tentit in apaltu is netesas de is postalis de s'Arst".