Eurallumina: remandau a su 14 de su mes''e arbili s'atóbiu su Ministeru. Su Consillu regionali aprovat una motzioni asuba de sa contienda

29 Martzu 2011
Image
euroallumina1-150x150.jpg

(IlMinuto) – Casteddu, 29 de su mes''e martzu - Un'àteru renviu po sa contienda Euroallumina. S'atóbiu in sa sedi de su Ministeru de s'Isvilupu Ecómicu, in Roma, previdiu po su 31 de su mes''e martzu est stetiu difatis annullau e fissau po su 14 de su mes''e arbili. In su trastempus sighit de duas cidas su presidiu de is traballadoris de s'industria de Portovesme asuta de is pórcius de bia Roma - Própriu ariseru su Consillu regionali at aprovau - cun 58 votus a faori e cun s'astensioni de Claudia Zuncheddu - sa mozioni unitaria asuba de sa contienda. "Intendu fissu su Ministeru po cumprendi - at precisau s'assessori regionali de s'Industria Oscar Cherchi - si s'arrennescit a serrai un'acórdiu cun Eni po abbàtiri su costu de s'ollu combustìbili".


© RIPRODUZIONE RISERVATA