De su Comunu de Casteddu 3,4 millionis de eurus po su College Sant’Efisio. Sdel: “Trampa a is dannus de is sardus prus giòvanus”

(IlMinuto) – Casteddu, 30 de su mes''e martzu - "Un'àtera trampa a is pabas de is sardus prus giòvanus". Aici Sdel, s'organizatzioni de is giòvanus de Sardigna Natzione Indipendentzia, bit su determinu de su Comunu de Casteddu de spendi "3.400.000 eurus po ammanniai a su College Sant’Efisio, residéntzia bófia de sa Diócesi Casteddaia, ma fabbricada cun su dinai regionali po sa cifra bella meda de 8.800.000 de eurus". "Est una bregúngia - precisant is giòvanus de Sni - chi si sigat a finantziai un'istrumentu chi serbit a sa Crésia Católica po addotrinai a sa genti mentris po su prus s'edilizia de is scolas est giudicada illegali (57.8%). Pensaus  puru, chi siat totu dinai ghetau a su bentu de su mamentu chi, fintzas a immoi, scéti 4 istudiantis at pigau s'aposentu ingunis, e is aposentus funt in totu 83".