De s'istrada a su Palatzu Regiu, arribbat in Casteddu Street Art

(IlMinuto) – Casteddu, 3 de su mes''e martzu - Ant diris prenas de caboris cussas chi sa citadi de Casteddu at a arregalai a sa genti sua a is turistas. De su 4 a su 31 de su mes''e martzu, difatis, is writers sardus s'ant a reuniri in sa primu citadi de sa Sardigna donendi vida a sa mostra "Street Art a Cagliari, dalla strada a Palazzo Regio". S'aparada, promòvia de sa Provìntzia de Casteddu e aprontada de Giacomo Pisano, at essi aghillia in d-unu logu insolitu: cust'orta no at essi s'istrada a fai de guarnícia a custu tipu de arti, ma at essi su fàbbricu istoricu -monumetali de su Palatzu Régiu. Innoi - si ligit in su comunicau de imprenta - "s'at a donai vida a una bidea asurida: betiri is caboris, is formas, is linguàgius e is argumentus de sa Street art in d-unu palatzu istoricu, proponendi aici una comunicatzioni noa e scapiada de su contestu suu. S'intentu est cussu de reconòsciri is creatzionis de is writers comenti òperas artísticas. Sa mostra at a aghilliri is caboris de unus cantu tra is prus importantis artistas sardus: Raba, Crime, Fema, Skan, Manu Invisible, Iem 82, Prosa, Sklero, Jep, Snuf, Saletta Team, ma ddoi at essi logu puru po is milanesus Shine Royal e Kunos. Sa manifestada at essi inaugurada cras a is 18.00 e at a abarrai oberta fintzas a su 31 de su mes''e martzu, de su lùnis a su cenàbara de is 9.00 a is 20.00 e de su sàbudu a su domínigu de is 10.00 a is 14.00 e de is 16.00 a is 18.00.