Contienda Rockwool: arribbant is cursus de imparu Igea po is traballadoris. Corriga: “Sa lota no est acabbada

(IlMinuto) – Casteddu, 9 de su mes''e martzu - A pustis de 16 mesis de lota e de 160 diris asuba de su "Rockbus" arribbat fiamenti una nova positiva po is pagu prus de 60 traballadoris in cassa de integratzioni de sa Rockwool de Igrèsias. Ariseru in sa sedi de sa Regioni autónoma de sa Sardigna, in s'arburada Trento, est stetiu firmau un'acórdiu po is cursus de imparu Igea spa chi depint fai is traballadoris de s'aziendha. "Naturalmenti - scririt in Facebook su traballadori Rockwool Salvatore Corriga - cun custu nisciunu pensit chi sa lota siat acabbada, ddoi at essi de seguru de lotai po s'arresuratu finali. Pensaus a dógnia modu chi siat de importu mannu fai unu caminu de agiornamentu po is traballadoris, custu s'at e depi permiti de essi pigaus a postu fissu in is òperas de bonífica ambientali de su territóriu".