Bicicreta, màchina, bus o metropolitana lébia? Cras in Casteddu su test asuba de su tràvigu urbanu

(IlMinuto) – Casteddu, 2 de su mes''e martzu - Cantu tempus serbit po si movi de Cuartu a Casteddu in màchina e in bicicreta? Po viagiai de Pauli a Casteddu est mellus pigai sa metropolitana lébia o sa bicicreta? A custas dimandhans at a arrespundi su test asuba de sa mobilidadi urbana chi s'assótziu "Città Ciclabile" at aprontau po cras 3 de su mes''e martzu. In programma ddoi ant essi duus camminu cun tucada a is 8.00 de su mangianu. Su primu viàgiu, in bicicreta, màchina e bus, est de pratza Sant'Elena in Cuartu fintzas a pratza Repúbbrica, in Casteddu. Puru su segundhu camminu arribbat in pratza Repúbbrica, ma is màchinas, is bicicretas e sa metropolitana lébia ant a partiri de bia Porto Botte, in Pauli.