Àteru incàrrigu dópiu po sa Giunta Cappellacci: su consilleri Contu pigat su postu de Prato a sa Massaria

(IlMinuto) – Casteddu, 8 de su mes''e martzu - Manixu nou e incàrrigu dópiu consilleri-assessori in sa Giunta Cappellacci. In su merì de ariseru su ténnicu Andrea Prato est stetiu sostituiu, a sa giuda de s'Assessorau de sa Massaria, de Mariano Contu.  Contu, Médicu, nàsciu in su 1952 in Ceraxus, est consilleri regionali de su Pdl e, fintzas a oi est presidenti de sa Cummissioni Massaria. No funt serbias a nudda is 3milla firmas arregortas in pagus diris de sa petitzioni "No tocai a s'assessori Prato".