Apuntamentus: "Letterature nascoste" po no si ndi scaresci de is línguas de minoria

(IlMinuto) – Casteddu, 2 de su mes''e martzu - Sa produtzioni literària in is línguas diversas de s'italianu. At essi custu su tema de lùnis 7 de su mes''e martzu, unu tema chi at a benni pigau in sa Bibblioteca regionali de s'arburada Trieste 137 in Casteddu. S'eventu - chi at a cumentzai a is 17.30 - partit de su líbburu "Letterature nascoste. Storia della scrittura e degli autori in lingua minoritaria in Italia", de Anna Bogaro. Su líbburu fait unu cuadru de is versus e de is prosas scritas in is línguas de minoria, una literadura pagu pigada in cunsidériu de is crítigus. In s'òpera, s'autora friulana fait unu viàgiu tra is istorias literàrias prus importantis nàscias in d-un'Itàlia chi tenit línguas medas (sarda, slovena, friulana, ladina, occitana, arbëreshe), fadendi atentzioni manna a is camminus de sa narrativa. Bogaro at a participai a sa presentada e at a fueddai de s'argumentu cun Alessandro Mongili e Diegu Corraine. Sa presentada de su líbburu est de Tullio De Mauro, e est stetiu pubblicau po d'editori Carocci de Roma.