Amiantu: contribbutus fintzas a 5milla eurus po sa bunífica de is fàbbricus. Bandu de sa Provìtzia de Casteddu

(IlMinuto) – Casteddu, 8 de su mes''e martzu - Fai cresci sa bunífica de is fàbbricus de s'amiantu. Cun custu obbietivu sa Provìntzia de Casteddu at pubblicau unu bandu po donai a is privaus contribbutus fintzas a 5milla eurus po interventus de "bunífica" in su territóriu provitziali. "Is contribbutus po sa bunífica de is manígius de is fàbbricus chi tenint amiantu - si ligit in su documentu - funt donaus po una cifra de su 60 po centu de cussu chi si spendit in totu". Is dimandhas de finantziamentu ant a depi arribbai in s'ufíciu protocollu de su Serbítziu Ecologia de sa Provintzia de Casteddu, in bia Cadello 9b, intru su 10 de su mes''e maju.