"Adota a un'arenàrgiu": torrat puru ocannu su cuncursu de ideas

(IlMinuto) – Casteddu, 11 de su mes''e martzu - Arribbat a sa segundha editzioni su cuncursu de ideas presentau de s'Agetzia regionali Conservatoria de is costeras "Adotta una spiaggia". Su progetu est po is s'iscolas, e bolit afortiai su sensu de identidadi e is arrexinas chi dógnia scienti tenit cun su territóriu suu, cumbidendiddu primu a ddu scoberri e afatu ddu contai. Su progetu est po is piciocus iscritus a is primus e segundhus classis de is iscolas medias inferioris de is comunus de costera de sa Sardigna. Su cuncursu di dividit in duas fasis. In sa primu est necessàriu cumpilai e donai sa dimanda de participatzioni intru su 31 de su mes''e martzu de su 2011. Sa segundha fasi bit invecis s'elaboratzioni e sa cunsigna de is progetus intru du 31 de su mes''e maju de su 2011. S'elaboratzioni de is progetus at a depi trisinai puru a s'amministratzioni comunali de su logu. Funt cincu is tipus de progetu chi s'ant a podi presentai, e dógnia classi at a podi sceberai tra: cortometragiu, arregorta de màginis e ogetus, guida informativa, campagna po sensiblitzai a sa genti e eventus. Dógnia progetu at a depi presentai unu logo de identificatzioni fattu po su cuncursu. Is tres classis chi ant a tenni prus puntus ant essi premiadas cun d-unu cuntribbutu de 2milla eurus donniuna. Su prémiu - si ligit in d-una nota - "est po fai, in s'annu de iscola chi benit, atividadis po sensibilitzai a sa genti e atividadis de educatzioni a s'ambienti. Sa classi chi at a pigai prus puntus, at a arriciri puru comenti arregalu unu cursu de 'de vela po principiantis' chi s'at a tenni in Caprèra tra su mes''e cabudanni e su mes''e ledàminis de su 2011.