UN'ANNU FAIT. Sbarazzu de Giorginu. Sa denúnzia: "No s’ant permitiu de torrai a intrai in su fàbbricu. Eus perdiu bagàglius e dinai medas". Su presídiu a fac''e su Comunu

(IlMinuto) – Casteddu, 18 de su mes”e fiàrgiu de su 2010 – S'iant asseguara ca iaus agatau is domus noas agoa de su sbaratzu, ma furiat berus. No si donant nemmancu prus su permissu de torrai in su fàbbricu, eus pérdiu puru bagàglius e dinai meda". Est custa sa dinúntzia de unu traballadori giovuneddu de su Senegal chi custu mangianu at participau a su presídiu de protesta a fac''e sa sedi de su Comunu de Casteddu in pratza De Gasperi. A sa manifestada ant pigau parti pagu prus de 50 personis, immigraus e personis chi faint parti de sa "Rete Antirazzista" chi s'est posta contra a su sbaratzu de Giorginu e at denunciau a is atzóchius acontéssius tantis bortas avatu de pari in is domus afitadas de is senegalesus po manu de is fortzas de politzia. A una cida e pagu prus de s'operatzioni est stetia agatau unu logu - precàriu e provisóriu o atesu de su traballu - po una parti manna de is ex residentis de s'Edem. Duus traballadoris senegalesus funt invecis ancora acasagiaus in s'Hotel Cuatru Morus. Immoi po is immigraus is apensamentus prus mannus funt duus: pigai una residéntzia noa (tìtulu necessàriu po su rennovu de su permissu de tratenimentu) e s'acasàgiu de is 40 traballadoris residentis in s'ex Edem chi immoi funt in Senegal e chi a sa torada in Sardigna s'ant a agatai senz''e domu. "Su sbaratzu de Giorginu - si podit ligi in d-una nota fatta connosci de is aprontadoris - est stetia un'operatzionide politzia. Un'abbusu chi no at arrespetau nemmamancu cussu chi naràt su mantessi pregoni (…). Ddoi furiant testimóngius meda po ignorai sa preséntzia de cuatru scuadras de sa politzia trassaus de gherra". "Is istututzionis responsàbbilis - concluit sa nota - tenint su doveri de agatai diaderus una solutzioni chi sit mellus po totus cussu chi in is ex fàbbricus Edem iant agatau domu".

(Ringratziaus a Alessandro Cuccu po is fotografias)