UN'ANNU FAIT. Isciòpiru generali de sa Sardigna: in 50milla in Casteddu po nai no a sa crisi. Is operàjus de s’Alcoa: "No eus a mollai"

(IlMinuto) – Casteddu, 5 de su mes”e fiàrgiu de su 2010 – Sa “contienda Sardigna” est calada in pratza. Funt stetias pagu prus de 50milla is personis chi ant participau a sa manifestada de Casteddu – sa prus manna in s’istoria de s’autonomia – lamada de Cgil, Cisl e Uil po s’isciòpiru generali regionali. No ddoi est scéti sa chistioni grai de s’Alcoa, difatis s’Ísula at portau in pratza totu s’arràbiu e totus i lotas socialis: de is precàrius de s’iscola e de s’amministratzioni púbblica, a is operàjus de sa Vinyls de Pòrtu Turre, a is istudiantis e a is giòvanus chi no ant mai tentu unu traballu. Sa crisi est fadendi dannu mannu a s’economia de totu s’Ísula. Unu númeru bastat a donai un’idea de sa situatzioni: scéti in su Surcis su númeru de is operàjus chi pigant is ammortitzadoris socialis ant de pagu tempus superau comenti cantidadi cussus chi traballant. E a sa vida de s’Alcoa funt acapiaus 2milla postus de traballu de sa filiera de s’allumíniu. De su palcu in pratza Yenne Susanna Camusso de sa Cgil at nau un'àtera borta no a sa cassa integratzioni po is operàjus de Portovesme, decidius a “no mollai mai”. “Is impiantus depint abarrai ativus – at nau – puru si cummossariai o iscicutai a s’aziendha”. Funt stetias medas is personis chi ant addiriu a s’isciòpiru, chi at biu sa participatzioni de unu cordoni de indipendentistas aprontau de aMpI e Sni. Is Cobas de s’iscola ant fattu connosci una nota de crítica. “S’at a praxi cumprendi – ant scritu – poita si decidit de manifestai ‘totusimparicunamori’, impari a is meris de Confindustria, cun is capus mannus de sa Crésia e no s’intendit nemmancu s’abbisóngiu de arraxonai e de chistionai cun totus is organitzazionis chi lotant diaderus contra a sa bendida a prétzixeddus de nudda a sa terra nostra”.