“Una diri senz”e de nos”: su primu de su mes”e martzu in isciòpiru po su diritu a su traballu

(IlMinuto) – Casteddu, 24 de su mes''e fiàrgiu - Dignidadi e diritu a traballai: funt custus is temas de s'isciòpiru de is furisteris de s'editzioni de su 2011 chi s'at a tenni su primu de su mes'' e martzu. In Casteddu funt duas is manifestadas aprontadas de su "Movimento primo marzo". Sa primu s'at a tenni martis a merì, de is 17.00, in pratza san Giacomo e previdit su ligimentu de is testimonias de is furisteris, animazionis e giogus po is pipius, rapresentatzionis teatralis e s'esibizioni de Tai chi chuan de su maistu Yu Bo. Cenàbara 5 de su mes''e martzu in s'Hostel Marina, sèmpiri a is 17.00, est invecis in programma su reading "Diverso è uguale", de sa "Compagnia temporanea letture di pace". "Unu traballadori furisteri - si ligit in d-una nota de imprenta de su Movimentu - partit de cunditzionis unu pagu diaci. No depeus scaresci chi, traballadoras e traballadoris furisteris, chi perdint su postu de traballu perdint puru su diritu a abarrai in Itàlia. Abarrai in su territóriu natzionali senz''e permissu est unu reatu chi previdit su castigamentu".