"Sindrome di Quirra": de is pàginis de is romanzus a su guetus in is arretzas de is piscadoris. Sàbudu dibbàtidu in Carbònia

(IlMinuto) - Casteddu, 8 de su mes''e fiàrgiu - Su míssili agatau in is diris passadas in is arretzas de is piscadoris a cincu míglius de sa costera d'Ogiastra, su 65% po centu de is pastoris chi traballant acanta de su Poligonu de Capo San Lorenzo maladius de malis mandiadoris grais, su spricullitu obertu de su Procuradori de Lanusè Domenico Fiordalisi. In is últimas cidas s'"acuntéssia Quirra" est torrada in su coru de is crònacas, ma in annus passaus sa pubblicatzioni de romanzus comenti "Perdas de fogu" (2008), de Massimo Carlotto e Mama Sabot, de "Il Pettine senza denti" (2008), de Eugenio Campus, at agiudau senz''e dúbbiu a no fai morri s'atentzioni asuba de sa chistioni. De su romanzu comenti istrumentu de dinúntzia s'at a chistionai sàbudu chi benit in Carbònia in d-un'eventu aprontau de su "Minatore rosso" Antonello Tiddia. Sa presentada de su líbburu de Campus, romanzu de inchiesta e de dinúntzia sociali asuba de is atividadis militaris chi si faint in su Poligonu interforze de su Salto de Quirra e asuba de is efetus de sa sperimentatzioni de armas a s'uràniu impoveriu in su territóriu, at a donai su cumentzu a su dibbàtidu cun sa participatzioni de s'autori, de Mariella Cao (Cumitau Gettiamo le basi) e de Giovannino Sedda (presidenti Lums).