Saludi: est online su libbureddu asuba de su favismu furriau de s'Universidadi de Casteddu

(IlMinuto) – Casteddu, 24 de su mes''e fiàrgiu - "Su prevenimentu est de seguru un'istrumentu de importu mannu po evitai a is arriscus, ma no podit no cunsiderai un'àteru istrumentu custu puru de importu mannu chi est rapresentau de sa connoscéntzia". Est custa sa cunvintzioni chi at fattu movi a s'Unidadi de Farmacologia crínica de s'Universidadi de Casteddu, dirigia de Maria del Zompo, a furriai in italianu e a pubblicai online "Farmaci e carenza di glucosio-6-fosfato", unu libbureddu chi fueddat de su favismu òpera de s'Agence française de sécurité sanitaire des produits de santé. "In su libbureddu - si ligit in sa presentada a s'editzioni italiana - ddoi funt scritas unus cantu de informatzionis asuba de sa G6PD mancàntzia, un'elencu de principius ativus chi provocant [...] sa destrossa de is globbulus arrubius in is sugetus [...] e su cumportamentu chi depit sighiri in sa prescritzioni e impitu de custas mexinas".