Musical: in su Liricu a versioni italiana de Cats

(IlMinuto) – Casteddu, 2 de su mes''e fiàrgiu - Cats arribbat in Sardigna. Su musical, fattu de sa "Compagnia della Rancia" e pigau de su líbburu de T.S. Eliot, at a andai in iscena, in versioni italiana, cenàbara 18 de su mes''e fiàrgiu a is 21.00 in su Teatru Liricu de bia Sant’Alenixedda, in Casteddu, po torrai sàbudu 19 cun àterus duus ispetàculus, a is 16.30 e a is 21.00. In su palcu, po sa regia de Saverio Marconi e is coreografias de Daniel Ezralow, s'ant a esibiri unu cast de 22 atoris-badhadoris-cantantis e un'orchestra fatta de 16 musicistas, dirigia de su Maistu Vincenzo Latorre. Is apuntamentus - si ligit in d'una nota - "insertaus in su calendàriu de sa V Editzioni de su Festival 'La Musica che Gira Intorno 2011', funt aprontaus de s'Assótziu Culturali 'La via del Collegio' de Casteddu, cun s'apógiu de s'Assessorau a sa Cultura de su Comunu de Casteddu, sa Provìntzia de Casteddu, is Assessoraus a sa Púbblica Istrutzioni, Ispetàculu e turismu de sa Regioni Autonoma de sa Sardigna".