Arribbat “Chistionis e Opinionis”: s’atualidadi de ligi, ascurtai e cummentai

(IlMinuto) – Casteddu, 28 de su mes''e fiàrgiu - "Nucleari. Sa Sardigna a fac''e su nucleari": at essi su tema de su primu apuntamentu cun "Chistionis e Opinionis". De cras unu progetu nou de IlMinuto at a acumpangiai a is ligidoris in d-unu viàgiu, una "lenti de ingrandimentu" chi castiat a s'atualidadi de sa Sardigna. Dógnia martis, gióbia e dógnia sàbudu ant essi pubblicaus artículus de profundamentu scritus e ligius scéti in língua sarda campidanesa. Is ligidoris ant a tenni sa possibbilidadi de ligi ascurtai e espressai in sa língua nostra e in dógnia varianti s'opinioni insoru, cummentendi custu serbítziu chi at a benni pubblicau in is pàginis de su giassu.

"Progetu realizadu cun sa partetzipatzione de sa Regione Autònoma de Sardigna - L.R 26/97 subra sa limba e sa cultura sarda"