Is "Àcuas de Sardigna" in sa boxi de is immàginis: In Sàdili cuncursu de fotografia

(IlMinuto) - Casteddu, 4 de su mes''e fiàrgiu - S'EcoMuseu de is Àcuas de sa Barbàgia de Sàdili aprontat po s'annu 2011 unu cuncursu natzionali de fotografia chi tenit comenti tema "Acque di Sardegna: di terra, di cielo, di mare". Is fotografias ant a depi pigai - si ligit in d-una nota - "is facis de sa natura sarda acapiadas a s'àcua in totu is formas suas donendi una pinta artística e una atientzia estetica a s'immàgini". Tra is fotografias arribbadas nd'ant essi sceberadas 30, chi ant a benni aparadas in Sàdili in is aposentus de s'Eco Museu de is Àcuas de sa Barbàgia, de su 1 de su mes''e argiolas a su 30 de su mes''e cabudanni. Sa premiatzioni s'at a tenni sàbusu 30 de su mes''e argiolas in is aposentus de su Museu. Is òperas ant a depi essi mandadas intru su 30 de su mes''e martzu de su 2011 (at a fai fidi sa data de is mail de su server) comenti files jpg a s'indiritzu email ecomuseo.concorso@libero.it.