Unu ditzionàriu dedicau a su Gramsci de is Cuadernus. Cras sa presentada

(IlMinuto) – Casteddu, 28 de su mes''e gennàrgiu - Prus de 600 fueddus che torrant a costruiri s'isvilupu e su pensu de Antonio Gramsci tra su 1926 e su 1937. Est custu cussu chi s'agatat in su "Dizionario Gramsciano". S'òpera, a cura de Guido Liguori e Pasquale Voza, at essi presentada cras in Casteddu (10.00, Àula magna Motzo de sa Facoltadi de Líteras e Filosofia de Casteddu) in d'un'atóbiu cun sa participatzioni de Liguori etotu (presidenti de s'Igs Itàlia), de Lea Durante (vici presidenti de s'Igs Itàlia), Giulio Angioni (maistu de s'Universidadi de Casteddu) e Gianni Fresu (istudiosu de s'Universidadi de Casteddu). "S'iscopu de su ditzionàriu - si ligit in d'una nota - est cussu de torrai a costruiri su sinnificau de is fueddus e de is cuncetus presentis in is scritus cartzeràrius gramscianus, po favorèssiri unu ligimentu de is Líteras e de is Cuadernus de su presoni cantu su prus possíbbili fundada asuba de sa realidadi de is testus de Gramsci".