Teatru po piciocus: cumentzat s'editzioni 2011 de "Capitani Coraggiosi"

(IlMinuto) – Casteddu, 5 de su mes''e gennàrgiu - Torrat puru in su 2011 "Capitani Coraggiosi", sa stagioni de teatru dedicada a is piciocus aprontada e promòvia de sa compagnia Cada die Teatru. Is apuntamentus, chi ant a cumentzai sa diri de sa Pasca de is tres gurreis po finiri su 20 de su mes''e arbili, previdint unu cartellu meda arricu, cun sa Présentzia de butegas creativas, presentadas de líbburu, ispetàculus teatralis, merendas biologicas dedicadas a is pipius. Gratzias a s'agiudu tra Cada die teatru, sa Bibblioteca Comunali Is Bingias e sa Coperativa su Frontespizio, dógnia domínigu, in is aposentus donaus de s'ex Vetreia de Pirri, is aspetatoreddus s'ant a podi atobiai e ant a podi cundividi esperiéntzias.

Comenti acontéssiau in is àteras editzionis, ocannu puru ddoi at essi logu po àteras compagnias isulanas e natzionali.