"Sindrome di Quirra". Enzo Costa (Cgil): "Cappellacci nerat ita pentat de s'ocupatzioni militari de sa Sardigna"

(IlMinuto) - Casteddu, 27 de su mes''e gennàrgiu - "Sa saludi de is sardus est in perígulu, po custu spantat ca su presidenti de sa Regioni Cappellacci no apat acrarau su pensu suu in matéria de ocupatzioni militari, est a nai des'ocupatzioni  de sa terra sarda". Est cantu afirmat cun d'una nota su segretàriu regionali de sa Cgil, Enzo Costa, a pustis is novas asuba de su raportu de sa Asl e s'inchiesta de sa Procura de sa Repúbbrica de Lanusè. "No tocat a abetai - acrarat Costa - spricullitus scientíficus nous. Est doverosu obèrriri fintzas de immoi una contienda cun su Stadu po nai ca sa Sardigna no bolit prus nesciuna prepoténtzia, no si podit prus pensai ca ddoi siant areas de s'ísula corriatzas a calisisiat controllu. No si podit prus acetai de donai in apaltu is territóriu nostrus renuntziendi a is possibbilidadis de un'isvilupu chi iat a podi donai traballu meda".