Referendum, aMpI presentat is arrexonis de su SI contra a su nucleari in Padria

(IlMinuto) – Casteddu, 7 de su mes''e gennàrgiu - Sighit sa campagna de A Manca pro s’Indipendentzia po andai a votai EJA, est a nai in faori de su referendum contra a su nucleari in s'Ísula. In su beranu chi benit is sardus ant essi lamaus a arrespundi a sa pregunta: "Sei contrario all’installazione in Sardegna di centrali nucleari e siti per lo stoccaggio di scorie radioattive da esse residuate e preesistenti?". S'organizatzioni de sa sinistra indipendentista sarda at a presentai is arrexonis de su "SI" custu merì in Padria, (18.30, Bibblioteca comunali), centrixeddu in provìntzia de Tàtari. "Denunciaus - si ligit in d'una nota de imprenta - is perígulus e sa disutilidadi de su nucleari e in is premissas políticas de is dibbatidus puru s'arrecatu económicu e ambientali chi acumpangiàt custus sceberus de su colonialismu italianu". In sa presentada at essi ammostau unu dossier multimediali in Pdf, curau de Emanuela Sanna dotora in Física, cun s'agiudu de Bruno Sini. At a fueddai Cristiano Sabino, boxi natzionali de aMpI.