Diritus negaus: albanesu obbrigau a 92 diris de presoni primu de torrai in patria

(IlMinuto) - Casteddu, 21 de su mes''e gennàrgiu - Tre mesis de "presonia innútili": esti stetiu custu su costu de sa burocratzia po Adrian Bali. S'ómini, 35 annus, at depiu difatis abetai tres mesis in presoni, tra Buoncammino e àteras istruturas, primu de torrai, comenti est diritu suu, in Albania. Ddu denunciat cun d'una nota Maria Grazia Caligaris, presidenti de s'Assótziu Socialismo Diritti e Riforme. "Nonostanti - precisat Caligaris - su Magistrau de Sorveglianza iat fattu, su 15 de su mes''e ledàminis passau, su decretu de dispàciu in sceberu a sa pena de presonia po su prus giai scontada. Funti stetius, difatis, necessàrius tres mesis de parti de is autoridadis diplomàticas albanesas po ponni in pràtiga su decretu de sa magistradura italiana. Senz''e essi pigau in cunsidériu, Adrian Bali iat isciopirau po s'arrespetu de su diritu de sodigai a sa família. Fiamenti, otentu su nullaosta de su Consolau albanesu, at lassau su presoni casteddaiu. Est duncas acabbada in modu positivu un'àtera acontéssia de foras de conca". Cussa de Bali no est un'acuntéssia isolada. "In is mesis passaus - ammentat sa rapresentanti socialista - un'acuntéssia símili iat tentu comenti protagonista unu citadinu tunisinu".