De su "Rockbus" s'arràbiu de is traballadoris: "In Tv s'allegat scéti de s'úrtimu scàndalu de Arcore"

(IlMinuto) – Casteddu, 24 gennàrgiu - "Allueus sa Tv po intendi is novas, ma ai cust'ora s'allegat scéti de s'úrtimu scàndalu chi at trisinau a su presidenti de su Consillu". Aici scrirint in su diàriu insoru is traballadoris de sa Rockwool de Igrèsias. De su 15 de su mes''e ledàminis passau - a pustis de 14 mesis de presídiu asuba de su ponti de Campu Pisanu, diventau "Ponti po su traballu" - is operàjus sighint sa lota insoru in s'unu postali: su "Rockbus"."Scadenat s'arràbiu - scrirint is traballadoris cummentendi s'úrtimu telegionali - poita custas personis, chi funt ingunis po resòlviri is problemas, passant a si difendi de acusas de custu tipu. Si narat ca custas festas in Arcore siant costadas duus millionis de eurus, chissai canta genti si iat a arrennesci a agiudai cun cussu dinai, ita tristesa".