Cumentzat su tour de s'ierru de le Fleurs du Mal: Nùgoro, Casteddu, Biddeputzi e Tàtari is frimmadas isulanas

(IlMinuto) – Casteddu, 7 de su mes''e gennàrgiu - A pustis de sa tournee de s'istadi, is Fleurs du Mal, su grupu blues funk rock chi de su 1983 est presenti in is iscenas undurground europeas, torrat in Sardigna po afestai unu tour ierrili. A pustis de is frimmadas de mérculis in sa "Grotta dei poeti" in Nùgoro e de gióbia in Casteddu, sa band at a sonai custumerì in Biddeputzi e cras in Tàtari. Sa band - si podit ligi in d'una nota de imprenta - at a fai su repertoriu "Rock ammesturau a Blues, Funky, Swing e Latin-Rock", cun testus in italianu, spagnolu e inglesu. Acanta a branus pigaus de is discus fattus primu, le Fleurs du Mal at a presentai puru is branus fattus de pagu chi s'agatant in su cd "Lost & Found"(2008-Blond Records).