Comunicatzioni: Mediterraneaonline.eu s'agiudicat po su segund'annu 'e file pari su prémiu eContent Award Italy

(IlMinuto) – Casteddu, 4 de su mes''e gennàrgiu - Po su segund'annu 'e file pari, su mensili Mediterraneaonline.eu (www.mediterraneaonline.eu), in su web de su 2008, s'est agiudicau su prèmiu de importu mannu eContent Award Italy, aprontau de sa Fondatzioni Politecnicu de Milanu e de Médicus Framewor asuba de su modellu Wsa - World Summit Award. Su prémiu esti stetiu pigau "po is argumentus culturalis prus bellus in sa categorias eCulture e Heritage". Tra is motivazionis de sa Giuria, "su méritu de fai connosci sa cultura mediterranea cun d'un'arta calidadi de argumentus". Custa est difatis sa formula chi esti stetia impitada de Alfredo Ronchi, maistu de su Politecnicu de Milanu, candu at donau su prémiu a su diretori de su giornali online, Gianmarco Murru. S'eContent Award Italy, arribbau in su 2010 a sa setima editzioni, tenit comenti iscopu sa promotzioni de sa creatividadi e s'innovatzioni in su campu de is "media" nous.