“Boxis de bidda mia – boxis de bidda allena”: nascit sa primu editzioni de su prémiu Michelangelo Pira in língua sarda

(IlMinuto) - Casteddu, 27 de su mes''e gennàrgiu - Poesia, narrativa e teatru: funt custas is tres sentzionis de "Boxis de bidda mia – boxis de bidda allena", sa primu editzioni de su Prémiu leterariu Mialinu Pira in língua sarda. A su prémiu, bandiu de su Centru culturali Campidanu de Cuartu e de su comunu de Gèsigu, podint participai - precisat su regolamentu - "tous is iscolas elementaris e medias de sa Sardigna cun traballus fattus scéti in língua sarda e in calisisiat varianti. Is traballaus no depint essi giai stetius pubblicaus. Is cumponimentus ant a depi essi mandaus, scéti atressu de email, a sa Segreteria de su Prémiu intru su 15 de su mes''e martzu de su 2011 a tot'e is duus is indiritzus pl.mpira@tiscali.it e gesicosociale@tiscali.it. Faint parti de sa giuria Nicola Dessì, archeólogu e maistu de istoria e de língua sarda, Giulio Solinas, presidenti de s'Académia de sa língua sarda campidanesa, Sergio Murru, atori e regista, Pietro Perra, espertu de didàtica de sa língua sarda, Cristina Serra poeta in língua sarda, Maurizio Virdis, linguista e Susy Monni Ibba, segretària.

Po ndi sciri de prus: http://www.premiumialinupira.net