Voluntariau: a Giovanni Salis de Emergency su prémiu "Nuraghe"2010

(IlMinuto) – Casteddu, 28 de su mes''e de paschixèdda - Est andau a Giovanni Salis de su grupu tataresu de Emergency su prémiu de Annunou "Nuraghe"2010, cumpartu "Diritus civilis". Su prémiu esti stetiu donau su 18 de su mes''e paschixèdda, in sa saba de su consillu de su comunu de Tàtari, de sa Consulta provintziali po su voluntariau. "Salis - si ligit in sa motivazioni de su prémiu - s'est impignau cun dógnia boluntadi e apinnicu po s'arrrespetu de is diritus umanus. [...] fait parti de medas assótzius dedicaus a sa salvaguàrdia de is prus débbilis, primu tra totus Emergency, de custu est unu de is referentis po sa provìntzia de Tàtari". S'ativista de Emergecy at dedicau su prémiu a Teresa Strada, mulleri de Gino Strada, e a "Nanni", unu giòvanu voluntàriu de Piàghe, mortus s'annu passau.