Festival: Lungone serrat su 2010 cun su jazz de "Musica sulle bocche"

(IlMinuto) – Casteddu, 28 de su mes''e paschixèdda - Fin''e annu de jazz in Lungone, aundi su comunu de sa Sardigna 'e tramuntana e s'assótziu Jana Project ant donai vida a un'editzioni de ierru de su Festival 'Musica sulle Bocche'. Su trànsitu a su 2011 at essi celebrau in sa pratza de su centru, sa pratza Vittorio Emanuele. Òspiti de meda importu in s'eventu at essi Bandakadabra. Sa marching band piemontesa, chi su púbblicu connoscit beni de is rassignas estivas, cun prus de binti sonadoris tra otonis e percussionis chi at a deliziai su palau de is amantis de su jass cun "performance càrrigas de energia e alligria". Sa manifestada, cumentzada su 26 de su mes''e paschixèdda cun su reading musicali 'Passavamo sulla terra leggeri', pigau de su líbburu de Sergio Atzeni, oferrit una festa arrica de eventus de importu mannu, tra custus, su 29 de su mes''e paschixèdda a is 21.30, su jazz caraibicu de su triu "Caracas", cun Enzo Favata a su sax, Marcello Peghin a is ghitarras e Daniele Di Bonaventura a su bandoneon. A s'apellu no ant a mancai nemmancu is apuntamentus dedicaus a is prus piticus, chi ant a sighiri fintzas a su 3 de su mes''e gennàrgiu, candu at a benni fatta una de is clàssicas manifestadas de s'istadi, ' su jazz contau a is pipius'.