Contienda Geas: is traballadoris de is cincu stipendius arretraus dd’ant a pigai scéti duus

(IlMinuto) – Casteddu, 21 de su mes''e paschixèdda - Is traballadoris Geas ant a arriciri primu de Paschixedda scéti duus de is cincu stipendius arretraus, po is àterus ant a depi fai recursu a su giugi. Dd'at acrarau in is diris passadas s'assessori regionali de is Trasportus, Angelo Carta. A contus fattus, is addetus a sa manutenzioni de is trenus sardus ant traballau a gratis po tres mesis. A sa fin''e de una reunioni asuba de sa contienda Geas esti stetiu firmau un'acórdiu chi previdit su trasferimentu de is 104 dipendentis de Geas-Mazzoni a sociedadi noa Medigas-Coop Service. "Funti stetius arrespetaus is acórdius firmaus de su Presidenti Cappellacci e de mimi 'e totu - at nau s'assessori de trasportus - e totus is 104 traballadoris ant essi torraus a pigai in s'impresa noa, e a custus, ant essi pagaus intru de su 23 de su mes''e paschixèdda, duus de is cincu stipendius arretraus, po unu totali de 2400 eurus, chi andant a s'aciungi a is 1300 eurus chi sa Regioni at giai pagau a 'fondo perduto'".