Contienda Geas: torra asuba de sa crabatura de s’Istazioni de Casteddu: su disisperu de is traballadoris

(IlMinuto) – Casteddu, 3 de su paschixèdda - Est sèmpiri prus forti sa lota de is traballadoris de sa Geas: is 114 personis chi alichidint is trenus de sa Sardigna e chi funt senz''e biri unu soddu de su mes''e austu. Ariseru, biu su blocu de su serbítziu, furiant annulladas 75 cursas in totu s'Ísula. Custu mangianu is traballadoris ant torrau a ocupai sa crabatura de s'istazioni de is ferruvias de Casteddu. Sa mantessi crabatura chi nemmancu 24 oras fait at biu duus de is dipedentis ameletzai de si nci ghetai. S'ànsia furiat artziada meda in su manginu de ariseru a pustis de s'annullamentu de sa reunioni in programma tra sa Regioni e sa "Nord Servizi" (aziendha chi iat a depi pigai sun postu de sa Geas in sa gestioni de sa netesa de is trenus). "Est un'àteru annunciu falsu fattu de s'assessori", iat cummentau su segretàriu generali de sa Filt Sandro Bianco. "Est unu modu de fai scuscentziau - iat precisau - chi arriscat de fai meda mali a is cunditzionis de disisperu de is traballadoris protagonistas de sa contienda".

E aici esti stetiu.