Concertus: Jordán Tedejor e Miguel Ángel serrant sa "Stagione Classica Autunnale"

(IlMinuto) – Casteddu, 2 de su mes''e paschixèdda - At a finiri su 6 de su mes''e paschixèdda sa "Stagione Classica Autunnale 2010" de Nùgoro. De is solistas fintzas a is ensemble vocalis, ocannu sa rassigna de s'Enti musicali at propostu unu programma difarenti e vadreju, donendi atentzioni manna a is artistas sardus, a cussus internatzionalis e a cussus italianus. Tra custus puru Giovanni Grano, ghitarreri cun d'una carriera de trint'annus e tra is prus amaus de s'inzénneru suu. Su programma, sceberau ancora una borta de su diretori artísticu Maurizio Moretti, s'est tentu in cincu apuntamentus. Cumentzada su 4 de su mes''e totussantus, sa rassigna at acabbai lúnis chi benit (20.30, Auditorium de su Museu Etnograficu de Nùgoro) cun s'ispetàculu de su duu aragonesu formau de Jordán Tedejor a su violinu e de Miguel Ángel Tapia a su pianoforti. Is duus artistas ant a fai una seletzioni cumpria de is cumponiduras de Ravel e calincuna pagini de Turina e De Falla. Sa rassigna est aprontada de s'Enti Musicali de Nùgoro, cun su contribbutu de su Ministeru po is Benis Culturalis, de sa Regioni Autónoma de sa Sardigna, de sa Fundatzioni "Banco di Sardegna" e de su Comunu de Nùgoro e cun s'agiudu de s'Istitutu Superiori Regionali Etnograficu.