Apuntamentus: in Casteddu su III Saloni de s'Editoria e de su Líbburu Sardu

(IlMinuto) – Casteddu, 20 de su mes''e paschixèdda - At a sighiri fintzas a mérculis chi benit "Líbburus in Galleria", su III Saloni de s'Editoria e de su Líbburu Sardu. Sa manifestada - chi est cumentzada su 16 de su mes''e paschixèdda - esti stetia aprontada de s'Aes, Assótziu Editoris Sardus, in is aposentus de s'Ispàtziu Search in Casteddu. S'editzioni de su 2010 - si podit ligi in d'una nota - "si caraterisat po s'Ispàtziu Piciocus cun butegas didàticas e creativas po is prus piticus", ma no scéti, ocannu is sorpresas no mancant, esti stetiu difatis allestia puru sa Saba literària, in custa atoris e giornalistas atobiant a autoris e editoris. Su Saloni de s'Editoria e de su Líbburu Sardu s'at a podi bisitai dógnia diri de is 10.00 a is 21.00 e po intrai no si pagat.