"Tre minuti di celebrità a Cagliari": Peter Marcias a sa diretzioni artística de cuarta editzioni de su cuncursu po cortometraggius

(IlMinuto) – Casteddu, 11 de su mes''e totussantus - S'est oberta ariseru sa cuarta editzioni de "Tre minuti di celebrità a Cagliari", cuncursu tra cortometraggius obertu a totus is amantis, senz''e límitis de idadi e de apróliu. Is autoris ant a depi presentai sa citadi in cortus de autori piticheddus, su cortu no depit essi de prus de tres minutus. Duas categorias in gara: "istudiantis" e "professioneris/apassionaus". Sa primu est po is scinties de is iscolas medias e superioris. Sa segundha est oberta a professioneris e apassionaus. Ifatu, sa Giuria at a valutai is òperas prus bellas. Sa diretzioni artística de s'editzioni 2010 de su cuncursu esti stetia donada a su regista Peter Marcias. "Apu acetau cun fervori mannu - at cummentau Marcias - s'incàrrigu de su presidenti de sa "Commissione Cultura" de su Comunu de Casteddu e de s'Iscola cívica de Música Maurizio Porcelli, poita pensu siat importanti trisinai a is filmakers isulanus (e speru puru de diversus logus de su mundu), is apassionaus e is giòvanus chi studiant, cun s'iscopu de 'filmai' sa citadi de Casteddu e de dda fai diventai famosa po tres minutus".

Is primus classificaus in is duas categorias in gara ant a arriciri prémius in dinai. Is cortometraggius prus bellus ant essi ammostaus in sa multisaba Cineworld de s'arburada Monastir, in Casteddu.

Is òperas ant a depi essi presentadas intru su 3 de su mes''e paschixèdda. Su bandu si podit pigai de su giassu de su Comunu de Casteddu o podit essi arretirau in sa sedi de s'Iscola cívica de Música de Casteddu, in bia Venezia 23 (dógnia diri aintru 'e cida, de is 10.00 a is 22.00) e in sa sedi de su Centru Giòvanus in bia Dante.

Po ndi sciri de prus telefonai a is númerus: 070/301941 o 333/6443249